Pagpapaunlad sa katutubong kultura at sining itutulak ng TESDA

March 20, 2018

Pangungunahan ng Technical Education and Skills Development Authority (TESDA) ang paglulunsad  ng Community-Based Skills Development Program  for the Indigenous Peoples (IPs) and Cultural Communities na naglalayon na pangalagaan ang mga  katutubong kultura, at sining   at pagpapaunlad sa pamumuhay ng mga IPs  sa buong bansa.

 Ang 5-day  Community-Based Skills Development Program for the Indigenous Peoples (IPs) and Cultural Communities na dadaluhan ng piling  mga empleyado ng TESDA  sa buong bansa  ay gaganapin sa  Iloilo City sa  darating na Marso 19-23 taong kasalukuyan.

Ayon kay TESDA Chief, Sec. Guiling Mamondiong, layunin nito  na paigtingin  ang mga programa ng gobyerno para makonserba  at pangangalagaan ang   mga  katutubong sining  at kultura  ng mga indigenous communities sa bansa kung saan ituturo o ipapasa  ng mga cultural masters sa mga kabataan ang  may 37 iba’t ibang ‘ethnic arts’ at  sining na nanganganib nang mawala.

Ang mga art forms na ito ay kinabibilangan ng beads-making, embroidery, weaving, panggagamot, performing arts (awit, music, sayaw, chant) at iba pa.

Layon nang gaganaping  ‘capability building program’  na bumuo  ng  mga sustainable economic development na mga programa tailor-fit para sa mga IPs, kasama dito papadaliin din ang pagpasok  sa mga programa at serbisyo ng technical and vocational  education and training (TVET), pati ang  technology-based community training programs, scholarships, enterprise development, ang mga kikilalaning  miyembro ng SLT at IP communities.

Ang bubuohing  training programs ay ibabatay para sa kanilang pangangailangan at  mga available resources sa kanilang komunidad.

Ito ay katulad sa pakikipag-partner ng TESDA sa National Commission on Indigenous Peoples (NCIP) na naglalayon na bigyan ng suporta sa pamamagitan ng training program  ang  mga miyembro ng IP groups upang  gawin silang  competitive at productive individuals partikular sa kani-kanilang  mga lugar.

Kasama din sa pag-uusapan ang proseso sa pagpapaunlad at pagbuo ng nararapat na curriculum, learning modules, assessment  tool, at trainer/learner guides na kailangan para suportahan ang training programs para makapag-produce ng mga graduates na makakagawa at makakalikha ng mga authentic traditional arts and techniques.

“In addition, a multiplier training approach will be adopted entailing a support fund of Php 60,000.00 per region that will be downloaded upon submission of the approved regional action plans to TESDA Central Office,” ani Mamodiong.

Kasama sa mga resource persons ay mula sa NICP, NCCA, at SLT Zonal Coordinators.

Ang mga participants ay magkakaroon din ng cultural tour guiding sa Calinog SLT at video coverage ng art form (paghahabi) at profiling ng SLT at IP communities.

Ayon sa datos ng NCIP, mayroong 110 IP grups and sub-groups sa buong Pilipinas. Samantala sa data ng  NCCA-SLT, karamihan sa mga indigenous communities ay matatagpuan sa mga rehiyon ng  CAR, lV-A, Vl, Vll, Vlll, Xl, Xll, at ARMM na pawang may kanya-kanyang natatanging  mga  “disenyo at pamamaraan sa kanilang sining”.