TESDA: 100,000 construction workers sasanayin para sa Build, Build, Build program

February 25, 2018

Mangangalap at magsasanay ng may 100,000 construction workers  ang  Technical Education and Skills Development Authority (TESDA) sa buong bansa kaugnay sa  “Build, Build, Build” program  ni  President Rodrigo Duterte.

Ang proyektong ito ay inilunsad ni TESDA Director General Guiling “Gene” Mamondiong sa idinaos na  National Integration Scholarship Program (NISP)  Forum sa  Butuan City,

Ang mga sasanaying mga contruction workers ay magmumula sa grupo ng mga indigenous peoples (IPs), mahihirap  at rebel returnees sa  buong bansa.

Ayon kay TESDA chief, ang magsisipagtapos ay kukunin para tumulong   sa pagpapatayo at pagpapagawa ng mga tulay, kalsada, gusali at iba pang mga infrastructure projets ng  gobyerno.

Aniya, ang “ambitious bridge projects” ng Duterte administrasyon na mag-uugnay sa mga lalawigan ng  Negros Oriental, Cebu, Bohol at Leyte ay kabilang sa  Build, Build, Build program para gawin ang mga island provinces na madaling  marating sa pamamagitan ng land travel.

 “This is only an initial training for the Build, Build, Build alone”, paliwanag ni Mamondiong.

Ayon sa TESDA chief, ang mga infrastructure projects ng gobyerno ay makakatulong sa pagbibigay ng mga bagong trabaho para sa  mga mamayan.  Aniya, tatanggap sila ng mga aplikante para sanayin mula sa mga mahihirap na sector.

Ang Build, Build, Build  infrastructure programs o tinatawag na  “Dutertenomics” ay planong  maglaan ng g $160 bilyon hanggang $180 bilyong pondo  para sa sinasabing mga “ambitious projects”  tulad ng Mega Manila Subway, complex road networks, long-spand bridges, flood control, urban water systems at marami pang iba na planong tapusin hanggang 2022.

Layunin nito na palakasin ang pagpapaunlad ng ekonomiya at paglikha ng may 12 milyon bagong trabaho sa ilalim ng Duterte administration.

Kaugnay nito, lahat ng 122 TESDA training centers ay bukas sa darating na Feb. 27-28, 2018  sa gaganaping National TVET Enrolment and Jobs Bridging para tumanggap ng mga aplikante na IPs, mahihirap at rebel returnees.

Ang mga  opisyal ng mga barangay, munisipyo at city governments ay maaring   magsumite ng kanilang listahan ng mga mahihirap, IPs at rebel returnees  na interesidadong magsanay  bilang construction workers sa  Department of Social Welfare and Development (DSWD)  na siyang mag-evaluate kung talagang galing sila sa nasabing mga sekctor.