Universal Access to Tertiary Education
Libreng edukasyon ang hatid ng Republic Act 10931 o UAQTEA.
Kasama rito ang libreng competency assessment, allowance at toolkits.
Para maka-avail, siguraduhing pasok sa sumusunod na kwalipikasyon:
May sampung taon na basic education at iba pang requirement na nakasaad sa Training Regulation ng napiling kurso
Sumailalim na sa NCAE/MATB/YP4SC Profiling
Hindi college graduate
Hindi holder ng National Certificate III o mas mataas pa, maliban na lamang kung enrolled sa Level IV bundled programs o Diploma courses
Walang scholarship grant galing sa ibang ahensya ng gobyerno
Filipino citizen
Private Education Student Financial Assistance
Ang PESFA ay program ng TESDA na nagbibigay tulong pinansyal para sa mga marginalized ngunit karapat-dapat na mga estudyante ng tech-voc education at training.
Kung ikaw ay...
Labinlimang (15) taong gulang pataas sa simula ng training program
Nakatapos ng 10-yr basic education
ALS Graduate
Hindi lagpas 300k ang taunang kita ng pamilya
Filipino citizen
Pwedeng mag-avail ng...
Libreng training at assessment
Student allowance
Book allowance
Special Training for Employment Program
Ang STEP ay programa ng TESDA para sa mga mamamayan na nagnanais magkaroon ng skills na magagamit sa pagnenegosyo o sariling hanapbuhay.
Pumili sa mahigit 70 qualifications o training sa ilalim ng STEP.
Kung ikaw ay...
Hindi bababa sa labinlimang (15) taong gulang sa simula ng training program
Filipino citizen
Pwedeng mag-avail ng...
Libreng training at assessment
Libreng entrepreneurship training
Libreng starter tool kits
Training for Work Scholarship Program
Ang TWSP ay sagot sa isyu ng "job skills missmatch." Layunin nito na matiyak na ang "labor force requirement" ng industriya ay mapupunan.
Pumili sa mahigit 230 qualifications o training sa ilalim ng 18 sectors.
Kung ikaw ay...
Hindi bababa sa labingwalong (18) taong gulang sa pagtatapos ng training program
Filipino citizen
Pwedeng mag-avail ng...
Libreng skills training
Libreng assessment
*Icons from Icons8.
May mga iba pang scholarship programs ang TESDA na tutugon ayon sa inyong kasalukuyang kalagayan at pangangailangan:
TESDA ONLINE PROGRAM (TOP)
Ang TESDA Online Program (TOP) ay isang libreng online training ng TESDA. Gamit ang inyong mga computers o laptop at internet connection, pwede na kayong mag-register at makapag-avail ng skills training na nais inyo.
Kung ikaw ay isang estudyante, out-of-school-youth, unemployed adult, o kaya ay isang local o overseas worker, at kahit propesyonal pa na gustong mag-training pero walang sapat na oras para magpunta sa mga training centers, ito ang swak na programa para sa ‘yo.
Para sa karagdagang impormasyon, bisitahain ang website ng TOP sa www.e-tesda.gov.ph.
RICE EXTENSION SERVICES PROGRAM (RESP)
Kabilang ang TESDA sa mga ahensya na naatasan sa implementasyon ng Republic Act 11203 o ang Rice Tariffication Act, na naglalayong palakasin ang rice industry, lalu na ang ating mga rice farmers, sa pamamagitan ng pagtaas ng ani at pagpapababa ng gastusin nila sa produksyon.
Ang RESP, sa ilalim ng Rice Competitiveness Enhancement Fund, ay nagtalaga sa TESDA na magbigay ng scholarships sa mga kwalipikadong rice farmers at kanilang dependents na nakalista sa Registry System for Basic Sector in Agriculture (RSBSA), kasama na din ang rice cooperatives at associations mula sa mga target na lugar. Kabilang sa kasalukuyang libreng skills training ay ang Rice Machinery Operations NC II; Drying and Milling Plant Servicing NC III; Small Engine System (Leading to Small Engine Servicing NC II), Solar Powered Irrigation System Operation and Maintenance NC II at training programs sa ilalim ng Farmers Field Schools.
TULONG TRABAHO LAW
Sa ilalim ng Republic Act 11230 o ang Tulong Trabaho Act, ang TESDA ay inatasang magbigay ng libreng skills training na kailangan ng mga industriya. Ito ay isinabatas upang mas palakasin pa ang mga competencies o kakayahan ng mga manggagawang Pilipino.
Sa ilalim ng Tulong Trabaho Law, mabigbigyan ng scholarship ang mga kababayan nating mahigit 15 taong gulang; walang trabaho o hindi nag-aaral; at mga empleyado na gustong ma-develop pa ang kanilang mga kakayahan sa pamamagitan ng mga skills training.
Frequently Asked Questions
-
Ano ang mga libreng kurso o training mula sa TESDA at anu-ano ang mga requirements?
Mayroong daan-daang available courses na pwedeng pagpilian ng mga mag-aaral. Maaaring magtanong ang sinumang interesado sa pinakamalapit na provincial o district offices sa kanilang lugar para malaman ang mga available na kurso.
Karamihan sa mga technical-vocational courses na iniaalok ng TESDA ay kailangan ng high school diploma. Ang iba pang mga entry requirements ng mga training regulations ng iba’t-ibang kurso ay makikita sa link na ito: http://www.tesda.gov.ph/Download/Training_Regulations
-
Tumatanggap ba ang TESDA ng ALS graduates sa kanilang mga training programs?
Oo. Ang TESDA ay tumatanggap ng mga aplikante na nagtapos sa pamamagitan ng Alternative Learning System (ALS).
-
Mayroon bang age requirement sa pagkuha ng scholarships sa TESDA?
Karamihan ng mga kurso ay nire-require na dapat ay edad 18, pero, mayroong mga training programs na tumatanggap ng mga scholars o trainees na mas mababang edad sa 18.
-
Paano ako ma-assess bilang certified skilled worker at magkano ang assessment fee?
Para maging TESDA National Certificate (NC) holder, kailangan mong pumasa sa Competency Assessment.
Sa pangkalahatan, ang assessment fees ay kasama na sa ilang TESDA scholarship programs (gaya sa TWSP, STEP, and Competency Assessment and Certification for Workers (CACW). Ang fees na ito ay para lamang sa mga materyales na ginamit sa assessment.
Gayunpaman, may ilang ibang skills assessment na mayroong minimal fee na dapat bayaran.
-
Ako ay isa ng skilled worker. Kailangan ko pa bang kumuha ng skills training upang
ma-certify ng TESDA?
Kung mayroon ka nang sapat na karanasan sa iyong kuwalipikasyon at kasalukuyan nang nagtatrabaho, maaari kang makapag-avail ng libreng assessment na tinatawag na Competency Assessment and Certification for Workers (CACW).
Testimonials
Gusto ko ring matulungan ang mga kabataan, lalo na ngayon na ang mga kabataan ay hindi na gusto ang pagsasaka. Ang gusto ko po ay ipakita ko sa kanila, may kita talaga sa pagsasaka.
Elnard Ympal
Horticulture NC II
TESDA scholarship lang talaga ang hope ko na dala ko para sa pangarap ko, nag-iisang ladder na meron lang ako, na iyon lang ang gate na open sa akin noong time na yon.
Cherry Galit
Food and Beverage Service NC II
Bartender NC II
I am very thankful because I started with a vocational course and that led me to who I am now. I am now a college Instructor, an accredited TESDA Trainer and Assessor. Because of TESDA I have a lot of opportunities to earn for my family’s living.
April Flores
12 National Certificates Holder
As a WorldSkills competitor po, nais ko pong magpasalamat sa TESDA because they gave me a once in a lifetime opportunity na makipag-compete ‘di lang po locally but internationally as well while honing my skills.
