IKA-23 TAONG ANIBERSARYO NG TESDA, MAGIGING MAKABULUHAN


August 20, 2017 
Inaasahang magiging makabuluhan ang pagdiriwang ng ika-23 taong anibersaryo ng Technical Education and Skills Development Authority (TESDA) dahil na rin sa mga nakalinyang programa ng ahensiya para sa araw ng pagkakatatag nito.
 
Magsisimula ang pagdiriwang na may temang “Malasakit at Pagbabago, TESDA, Susi sa Kinabukasan”, sa flag raising ceremony sa umaga ng Martes (Agosto 22) na pangungunahan ni TESDA Director General, Secretary Guiling “Gene” Mamondiong at susundan ito ng special mass sa hapon.
 
Sa Miyerkules naman ng umaga (Agosto 23) ay magkakaroon ng employees award kung saan ay bibigyan ng pagkilala ang ilang piling empleyado kabilang na dito ang loyalty award, model employees, perfect attendance kasabay din ang pagbati sa mga may kaarawan sa buwan ng Hulyo at Agosto,
 
Bibigyan din ng pagkilala ang mga Local Government Units (LGU), industry partners National Government Agencies (NGA) at iba pang katuwang ng ahensiya sa pamamagitan ng Kabalikat Award habang ang mga matagumpay na TESDA graduates ay pagkakalooban ng Idol ng TESDA Award samantalang ang mga mahuhusay na trainers ay bibigyan naman ng Tagsanay Award.
 
Kasabay nito, ilulunsad naman ng TESDA sa unang pagkakataon ang Best Regional Performance Award sa tatlong mapipiling rehiyon na nagpamalas ng kanilang galing sa pagbibigay ng serbisyo publiko sa kanilang nasasakupang lugar.
 
Sa darating na Huwebes (Agosto 24) ay magkakaroon ng Health and Wellness Day kung saan ay magbibigay ng offsite physical exam ang Cocolife Healthcare, libreng massage, haircut at iba pang wellness services at flu vaccine para sa mga empleyado.
 
Bibigyan din ng pagkilala ang mga dating Director General, Deputy Director General, Executive Director, Regional Director, Provincial Director at iba pang retirees para sa gaganaping “Vin D Honneur” bilang pagpapasalamat sa mga naitulong ng mga ito sa TESDA sa panahon ng kanilang paninilbihan.
 
Samantala, nagpasalamat naman si Mamondiong sa naging matagumpay na mahigit isang taon nito bilang Director General sa ahensiya dahil na rin sa pakikipagtulungan ng masisipag na empleyado ng TESDA.
 
Napag-alaman na ang TESDA ay nanggaling sa National Manpower and Youth Council (NMYC) at sa pamamagitan ng Republic Act 7796 na mas kilala sa tawag na Technical Education and Skills Development Act of 1994 ay nakilala ang TESDA.




Back to List

 
Transpareny  Seal
 
 
 
 
CRDA
 
scholarship
 
PQF
 
k12
household service worker profiling

TESDA Hotline

  Tel. No: (02) 887-7777
  Send Text to 0917-4794370 (Globe)
  Email: contactcenter@tesda.gov.ph

Like us on Facebook